خصوصی رپورٹس    

خواتین سے پھر بد تمیزی ، 2زخمی

لاہور، اسلام آباد، (کرائم رپورٹر، ایجنسیاں) لاہور اسلام آباد کے بعد پاکستان تحریک انصاف کے لاہور جلسے میں بھی ایک اور بدنظمی کا واقعہ پیش آیا، خواتین ورکرز کے ساتھ بدتمیزی کی اور مبینہ طور پر دھکم پیل خواتین زخمی ہوگئیں ، تفصیلات کے مطابق تحریک انصاف کے جلسے میں خواتین جو کہ بہت زیادہ تعداد میں آتی ہیں تو یہاں بھی ایک بدتمیزی اور دھکم پیل کا واقع رونما ہوا مرد ورکرز نے خواتین سے بدتمیزی کی جس سے دو خواتین زخمی ہوگئیں۔ عند لیب لباس اور مدیحہ وقاص لاہور پاکستان تحریک انصاف کی جانب سے ہونے والے جلسہ میں اختتام پر گھروں کو واپس جانے والی خواتین سے چھیڑ خانی کے باعث خارجی راستے پر شدید بدنظمی ہو گئی ،سکیورٹی پر معمور پارٹی جوانوں نے چھیڑ خانی کرنے والے نوجوان کی درگت بنا دی ،پولیس کی جانب سے کسی بھی قسم کا ردعمل دینے کی بجائے خاموش تماشائی بنے رہے ۔تحریک انصاف کی جانب سے مال روڈ پر ہونے والے جلسہ میں کسی بھی قسم کی بدنظمی سے بچنے کیلئے جلسہ گاہ میں داخلی راستوں کو دو طرح سے بنایا گیا جہاں خواتین ورکروں کیلئے الگ اور مردوں کیلئے الگ داخل ہونے اور بیٹھنے کیلئے انتظامات کیے گئے تھے مگر جلسہ ختم ہوتے ہی شرپسند لڑکوں کا ٹولہ خواتین کے گھروں کو واپس جانے والے راستوں پر جمع ہو گیا اور پی ٹی آئی خواتین کی واپس جانے والی خواتین سے چھیڑ خانی شروع کردی جس پر ایک خواتین نے ایک لڑکے کو تھپڑ مارنے شروع کردیئے جس کو دیکھتے ہوئے وہاں موجود پی ٹی آئی سکیورٹی کے لڑکوں نے بھی اس لڑکے کو مارنا شروع کردیا اور اس کے بعد تھپڑ کھانے والے لڑکے کے ساتھیوں اور پی ٹی آئی سکیورٹی کے لڑکوں میں ہاتھا پائی اور شدید بدنظمی پیدا ہو گئی اور موقعہ پر موجود پولیس اس واقعہ پر غیر جانبدار ہو کر کھڑی ہو گئی اور منچلوں میں ہاتھاپائی کو دیکھتی رہی بعدازان جلسہ میں موجود دیگر افراد نے لڑائی کرنے والے نوجوانوں کو ہٹا کر الگ کردیا جہاں چھیڑ خانی کرنے والے نوجوان غائب ہوگئے۔ تحریک انصاف کے ترجمان نعیم الحق نے نجی ٹی وی سے گفتگو میں پہلے تو بدنظمی کو ماننے سے انکار کردیا اور بعدازاں اپنی گفتگو میں کہا کہ جلسے میں بدنظمی پھیلانے والے مسلم لیگ (ن) کے غنڈے ہیں۔ میاں شہباز شریف نے بدمعاشی کرنے اور بدنظمی پھیلانے کے لیے انہیں ہمارے جلسے میں بھیجا۔ انہوں نے عزم کا اظہار کیا کہ (ن) لیگ کے غنڈوں کو چھوڑیں گے نہیں انہیں پولیس کے حوالے کریں گے اگر پولیس نے کوئی ایکشن نہ لیا تو برا ہوگا۔ وفاقی وزیر برائے ریلوے خواجہ سعد رفیق نے کہا ہے کہ عمران خان کے جلسے میں خواتین کی بے حرمتی کی جاتی ہے، لیڈر کی زبان اور کارکنوں کے ہاتھ بے قابو ہوچکے ہیں۔ لاہور صوبائی وزیرقانون رانا ثناءاللہ نے عمران خان کے جلسے میں ہونے والی خواتین کے ساتھ بدتمیزی پر ردعمل دیتے ہوئے کہا ہے کہ ایسے افراد قانون سے بچ نہیں سکیں گے۔ حکومت پنجاب ان تمام عناصر کو گرفت میں لے کر منظر عام پر ضرور لائے گی۔ زبردستی خواتین انکلژر میں کھسنے والوں کے خلاف کارروائی ہوگی۔ پنجاب حکومت نے تحریک انصاف کے جلسہ میں خواتین سے بدتمیزی کرنے والوں کےخلاف کارروائی کا حکم دیدیا۔ وزیراطلاعات پرویز رشید نے تحریک انصاف کے جلسے میں خواتین سے بدتمیزی کے واقعہ پر کہا ہے کہ عمران خان یہ بتائیں کہ انکے جلسوں میں خاردار تاریں کیوں لگانا پڑتی ہیں۔ خواتین کے ساتھ اس طرح کے واقعات سے تحریک انصاف کی اصلیت سامنے آئی ہے۔

Mazeed News
خواتین سے پھر بد تمیزی ، 2زخمی

قومی خبریں    

بین الاقوامی خبریں    

سپورٹس    

شوبز    

دلچسپ و عجیب    

صنعت و تجارت